Wizard (fantasy) | Mynto
prod-img
prod-img
prod-img
prod-img
Slide 1 of 3
  • prod-img

1 / 3

Wizard (fantasy)

2.850 kr.

UPPSELD

Vörulýsing

Aldur: 10 ára og eldri
Fjöldi: 3-5 leikmenn
Spilatími: 45 mín.
Höfundur: Ken Fisher

Wizard er klassískt spil með 60 spila stokk sem er með tölum frá 1-13, auk fjögurra galdrakarla (hæst) og fjögurra hirðfífla (lægst).

Leikmenn spila ákveðinn fjölda umferða sem miðast við fjölda leikmanna, og hver sem er með flest stig í lok spilsins sigrar. Í hverri umferð fá leikmenn spil á hendi — eitt í fyrstu umferð, tvö í annarri, þrjú í þriðju, og svo koll af kolli. Tromp er ákveðið út frá efsta spilinu í stokknum áður en gefið er; ef spilið er litur, þá er sá litur tromp, en eg spilið er hirðfífl þá er ekkert tromp, og ef spilið er galdrakarl þá fær leikmaðurinn sem gaf að velja tromp. Sá má ekki velja „ekkert tromp“. Í síðustu umferðinni eru öll spilinu gefin, svo þá er ekkert tromp. Leikmenn þurfa svo að segja hve marga slagi þau ætla að fá í umferðinni.

Að spila út spilum og fá slagi er gert með hefðbundnum hætti. Ef leikmaður spilar út lit, þá verða aðrir að spila sama lit, ef hægt er. Ef leikmaður byrjar á að spila út hirðfífli, þá má næsti leikmaður ákveða litinn sem leiðir. Ef leikmaður byrjar á að spila út galdrakarli, þá skiptir engu máli hverju er spilað út eftir það. Í öllum tilfellum má spila út hirðfífli eða galdrakarli, jafnvel þótt leikmaður geti sett út réttan lit.

Þegar allir hafa spilað út, þá er sigurvegarinn ákveðinn svona: Ef einum eða fleiri galdrakörlum var spilað út, þá sigrar sá sem spilaði honum út fyrst. Sá tekur öll spilin, setur þau í slag hjá sér, og byrjar næstu umferð. Ef ekki, þá sigrar sá sem spilaði út hæsta litnum sem leiðir. Ef ekki, þá er það sá sem spilaði út hæsta spilinu sem vinnur slaginn. Ef allir spiluðu út hirðfífli, þá sigrar sá sem spilaði því út fyrstur.

Eftir hverja umferð eru stig gefin. Ef leikmaður fékk jafnmarga slagi og hann hafði sagst ætla að ná, þá fær sá 10 stig fyrir hvern slag, auk 20 bónusstiga. Ef leikmaður fékk fleiri eða færri slagi, þá fær hann mínus 10 stig fyrir hvern slag sem vantar, eða fór yfir.

Algengt er að spila sagnirnar þannig að leyfa ekki heildartölu slaga sem leikmenn ætla að ná að vera sú sama og spilafjöldinn í umferðinni. Það þvingar alltaf að minnsta kosti einn leikmann til að fara út af í hverri umferð.

Þessi útgáfa af Wizard er með fantasíuþema, en spilast alveg eins og upprunalega spilið.

VERÐLAUN OG VIÐURKENNINGAR

  • 2011 Nederlandse Spellenprijs - Tilnefning
  • 2011 Dr. Toy Best Vacation Product Award - Sigurvegari
  • 2011 Dr. Toy Best Classic Toy Award - Sigurvegari
  • Fimmfaldur sigurvegari Games 100 Selection

Um Spilavinir

Spilavinir er verslun sem sérhæfir sig í spilum og púsluspilum fyrir alla fjölskylduna. Verslunin var stofnuð árið 2007 og er með mikið úrval af spilum fyrir þau allra yngstu frá 1 1/2 árs og krakka á öllum aldri. Við leggjum mikla áheyrslu að eiga spil í fjölbreyttum verðflokkum sem geta hentað öllum. Við erum með mikið og gott úrval af borðspilum, partýspilum, skákvörum, spilastokkum, og púsluspilum. Við vitum að það getur verið erfitt að velja spil og leggjum okkur því fram við að aðstoða við að velja spil sem henta þér og spilahópnum þínum. Á vefversluninni getur þú líka fundið spil og lesið þér til um þau; verslað spilin og fengið sent til þín, sama hvar þú ert á landinu.